Í lok maí lagði ég af stað með Norrænu í þriggja mánaða húsbílaferðalag um Evrópu á sendibílnum sem ég hef verið að innrétta sem húsbíl í vetur. Ferðin hófst á nokkra daga ferðalagi um Ísland og síðan lá leiðin til Færeyja og þaðan til Danmerkur.
SkaftafellTjaldstæðið SkaftafelliVið DjúpavogDjúpivogur“Eggin í Gleðivík” á DjúpavogiEgilsstaðirStuðlagilNorræna á SeyðisfirðiSeyðisfjörðurSiglt frá ÍslandiUm borð í NorrænuSlakað á um borð í NorrænuÞórshöfn í FæreyjumÞórshöfn í Færeyjum
Keyrt var nokkuð greitt suður Evrópu með viðkomu hjá vinum og ættingjum í Danmörku og í Hollandi og endað í Rauris í Austurríki. Þar hófst vikulöng hjólaferð til Ítalíu með nokkrum vinkonum.
Gist hjá ættingjum í DanmörkuKomið við í stærstu húsbílabúð Evrópu í HollandiCamping í Grönau í ÞýskalandiHollandMikilvægt að halda neyðarakrein opinni í umferðarteppu (stau í Þýskalandi)Keyrt yfir Rín
Hjólað úr Austurrísku Ölpunum að Adria hafinu á Ítalíu
Hjólaleiðin sem við hjóluðum er 360 km löng, hófst í Rauris í Austurríki og endaði í Grado á Ítalíu. Í Gasteinartal komu við inn á hina hefðbundnu Alpen-Adria hjólaleið en flestir sem hjóla, sem er frá Salzburg til Grado.
Lagt af stað í hjólaferð frá RaurisBærinn Lend við Gasteiner dalBurg Klammstein í GasteinertalBad HofgasteinBad GasteinLest í gegnum fjall frá Bockstein til MallnitzHjólin í sérvagn í lestinniSmá pása við kirkju á hjólaleiðinniSkemmtileg skreyting á hjólaleiðinniSpittal an der DrauGóð hvíld á hóteli eftir langan blautan hjóladagHádegishlé á þessum veitingastaðFalleg sveitakráÁin Drau hafði víða flætt yfir bakka sínaSums staðar var hjólaleiðin lokuð vegna flóða
Alpen-Adria hjólaleiðin er ein fallegasta hjólaleið í Evrópu og langmestur hluti leiðarinnar er á hjólastígum. Við ákváðum að taka því rólega, njóta en ekki þjóta, og hjóluðum um 50-70 km á dag. Í miðri ferð, við landamæri Austurríkis, Ítalíu og Slóveníu, gistum við í tvær nætur og einnig í lok ferðar, í strandbænum Grado. Við vorum búnar að panta alla gistingu fyrirfram og gistum samtals í átta nætur. Við lentum í alls konar veðri, rigningu, sól og allt þar á milli. Hitastigið var um 18-25 gráður, besta hjólaveður sem hægt er að hugsa sér.
Skemmtilegar vinkonur að njóta lífsins í hjólaferðFjöldi hjólreiðafólks á Alpe-Adria hjólaleiðinniTeljari á hjólaleiðinni. Á síðasta ári hjóluðu 200 þúsund manns þessa leiðTarvisio, ÍtalíuHjólastígurinn eftir gamalli lestarleiðMalbikaður hjólastígur mest alla leiðinaVillanova, lítið þorp á ÍtalíuMargir fallegir fossar á leiðinniHjólað eftir gamalli lestarbrú á ÍtalíuHjólað undir hraðbrautinaMargir fallegir áningarstaðir á leiðinniVenzone, fallegur smábær á ÍtalíuÚtsýni frá hjólastígnumVeitingastaður í gamalli lest
Ferðin gekk mjög vel þrátt fyrir að stundum hafi þurft að fara út af hjólaleiðinni vegna flóða við ánna Drau. Frá landamærum Ítalíu er hjólaleiðin eftir gamalli lestarleið þar sem búið er að fjarlægja lestarteinana og leggja malbikaðan hjólastíg. Leiðin liggur í fjallshlíðum með stórkostlegu útsýni, í gegnum göng og yfir brýr.
Alpen – Adria hjólaleiðinHjólað um sveitir ÍtalíuHótelgarðurinn á Al Buttasella á ÍtalíuUdine á ÍtalíuPalmanova á ÍtalíuBærinn er byggður í stjörnuSíðasti hluti leiðarinnar eftir 5 km brú til GradoFallegt í strandbænum GradoHjólaleiðin endaði í Grado á ÍtalíuKvöld í GradoÁnægðar vinkonur eftir skemmtilega hjólaferðLeigubíll flutti okkur og hjólin aftur til baka til Rauris í Austurríki
Ég mæli 100% með þessari hjólaleið fyrir þá sem hafa áhuga á að hjóla um Alpana. Leiðin liggur að mestu niður í móti, örfáar brekkur upp á við, sem eru auðveldar á rafmagnshjóli.
